السلام عليكم
اليوم هالموضوع يتحدث عن طرق تربية الكتاكيت واكيد الاغلبيه يشترون كتاكيت وماتجلس اسبوع الا وهي ميته
اول شي قبل تشتري احذر من انك تجيب كتاكيت مصبوغه..××
طبعا لاتشترو المصبوغه لانها بيكون الصبغه داخل خشمها والتنفس صعب عندها يعني( بيكون الكتكوت مريض وبيموت بأقل من اسبوع)
وتأكد من انها تكون نشيطه..لآن الخامله بتكون مريضه
طبعا بعد ماتشتري كتكوت جيب كرتون وافرش فيه سماط حق مائدة الأكل
وحط فيه صحن ثقيل وحط في الصحن ماء
بس حاول ماتكثر الماء علشان لو سقطو فيه بيتبللون ويبردون وهذا يسبب خطر انهم يموتون او يغرقون في الماء !!
وتقدر تحط شبك بدل الكرتون...
ولاتطلعهم لين مايكبرو علشان وهم صغار مايتحملو البرد او الحر وهذا يسبب لهم الموت
والأكل يفضل وضع الأرز المطبوخ
او الجريش
وتقدر تطحن لهم صامولي (يفضل طحن الصامولي باليد)
يفضل رش الأكل بجميع انحاء الكرتون
ولو تبي الدجاج تستانس طلع الدجاج بأي غرفه من البيت بس تأكد انه مغلقه صح ولا فيه دواليب ولا حيوانات غيرهم
واطلقهم فالمكان علشان يفرفشون بالمكان شوي ورش فيه اكل .. علشان يتنفهون الدجاج من الكرتون لو نص ساعه باليوم
واللي يبي الدجاج تصير ماتخاف منه وتتعود عليه يجيب الأكل ويخليهم ياكلون من يده كل يوم
وبعد مايخلصون الأكل اللي بيدك رش لهم في ارضية مكانهم الأكل واتركهم ياكلون
طبعا اول مايأذن المغرب حطهم في مكان مظلم وهادئ
علشان ينامون وهم بكرتونهم..